IFRS and Business Finance Insights

𝐈𝐅𝐑𝐒 - 𝟏𝟕 အရ 𝐈𝐧𝐬𝐮𝐫𝐚𝐧𝐜𝐞 𝐂𝐨𝐧𝐭𝐫𝐚𝐜𝐭 တစ်ခုကို ဘယ်လို စာရင်းသွင်းမလဲ?

======================

IFRS - 17 အရ Insurance Contract တစ်ခုကို ဘယ်လို စာရင်းသွင်းရမလဲ ဆိုပြီး လာမေးကြတဲ့ စာရင်းကိုင် စာရင်းစစ် ညီအကို မောင်နှမများအတွက် ဒါလေးနဲ့ ရှင်းလင်းတင်ပြပေးလိုက်ပါတယ်။

IFRS 17 အရ စာရင်းသွင်းဖို့အတွက် အဓိက နည်းလမ်း (၃) ခု ရှိပါတယ်။ အဲ့ဒါတွေကတော့

1. General Measurement Model (GMM): အခြေခံအကျဆုံးနည်းလမ်းဖြစ်ပြီး ရေရှည်အာမခံစာချုပ်တွေ (ဥပမာ- Life Insurance) အတွက် သုံးပါတယ်။

2. Premium Allocation Approach (PAA): ရေတိုအာမခံစာချုပ်တွေ (၁ နှစ်အောက်၊ ဥပမာ- ကားအာမခံ၊ ခရီးသွားအာမခံ) စတာတွေ အတွက် သုံးတဲ့ ရိုးရှင်းတဲ့နည်းလမ်းပါ။

3. Variable Fee Approach (VFA): ရင်းနှီးမြှုပ်နှံမှုနဲ့ ဆက်စပ်နေတဲ့ အာမခံစာချုပ်တွေ အတွက် သုံးပါတယ်။
________________________________________

အခု ပထမဆုံး အနေနဲ့ GMM နည်းလမ်းအရ စာရင်းသွင်းပုံကို ရှင်းပြပေးပါ့မယ်။

၂။ Long-term Contract များအတွက် GMM နည်းလမ်းဖြင့် စာရင်းသွင်းပုံ

Long-term Contract များအတွက် GMM နည်းလမ်းအရ စာရင်းသွင်းမယ်ဆိုရင် စာရင်းမသွင်းခင် ဒီအချက် (၄) ချက်ကို အရင်တွက်ချက်ရပါမယ် -

1) Future Cash Flows: နောင်မှာ ရရှိမယ့် Premium နဲ့ ပေးရမယ့် Claims ခန့်မှန်းချက်။

2) Discounting: အနာဂတ်ငွေကြေးတွေကို လက်ရှိကာလတန်ဖိုး (Present Value) ဖြစ်အောင် ပြောင်းလဲခြင်း။

3) Risk Adjustment (RA): မရေရာမှုတွေအတွက် ဖယ်ချန်ထားရမယ့် အရန်ငွေ။

4) Contractual Service Margin (CSM): အာမခံစာချုပ်သက်တမ်းတစ်လျှောက် ရရှိမယ့် မရသေးသော အမြတ် (Unearned Profit)။

ပိုမြင်သာအောင် လက်တွေ့ တွက်ချက်တဲ့ နမူနာလေးနဲ့ ရှင်းပြပေးပါ့မယ်။
____________________________________

၃။ တွက်ချက်မှု ဥပမာ

၃ နှစ်သက်တမ်းရှိသော Life Insurance Policy တစ်ခု

• Premium: $2,800 (၃ နှစ်စာ စုစုပေါင်း)
• Expected Claims: $2,100 (၃ နှစ်စာ စုစုပေါင်း)
• Discount Rate: 5%
• Risk Adjustment: $150

Step 1: Initial Recognition (Day 1)

ပထမဦးဆုံး Present Value (PV) ကို တွက်ရပါမယ်။ (နမူနာအနေနဲ့ PV တွက်ပြီးသားတန်ဖိုးများ-)

• PV of Inflows (Premiums): $2,800
• PV of Outflows (Claims): $2,000
• Risk Adjustment: $150

• CSM: $2,800 - $2,000 - $150 = $650 (ဒါဟာ စာချုပ်စစချင်းမှာ ရမယ့် အမြတ်ဖြစ်ပါတယ်)

Journal Entry:

Dr. Insurance Acquisition Cash $2,800
Cr. Insurance Contract Liability (FCF + RA) $2,150
Cr. Insurance Contract Liability (CSM) $650

Step 2: Year 1 End (Subsequent Measurement)
ပထမနှစ်ကုန်မှာ CSM ကို Revenue အဖြစ် နှစ်ကာလအလိုက် ပြန်တွက်ချက် ယူပါမယ်။ ($650 ÷ 3 နှစ် = $216.67)

Journal Entry:

Dr. Insurance Contract Liability (CSM) $216.67
Cr. Insurance Service Revenue $216.67

____________________________________

IFRS 17 ရဲ့ အရေးကြီးသော Concept များ (Key Learning Points)

(က) Onerous Contracts (ရှုံးမယ့်စာချုပ်များ)

အကယ်၍ CSM တွက်ချက်လိုက်လို့ Inflow ထက် Outflow က ပိုများနေရင် (အမြတ်မထွက်ရင်) CSM က Negative ဖြစ်သွားပါမယ်။ အဲဒီအခါ CSM ကို Zero လို့မှတ်ပြီး ကျန်တဲ့ အရှုံး (Loss) အားလုံးကို Profit or Loss (P&L) မှာ ချက်ချင်း အရှုံးပြရပါမယ်။ ဒါက “Prudence" Concept အတိုင်းပါပဲ။ IFRS - 15 ရဲ့ Construction Contact တွေမှာလည်း ဒီသဘောပါပဲ။

(ခ) Level of Aggregation (အုပ်စုဖွဲ့ခြင်း)

IFRS 17 မှာ စာချုပ်တစ်ခုချင်းစီအပြင် Group ဖွဲ့ပြီးလည်း စာရင်းသွင်းပါတယ်။ Group ဖွဲ့ရင်တော့၊

1. Portfolio: အလားတူ Risk ရှိသော စာချုပ်များ (ဥပမာ- Life, Fire, Motor)။

2. Groups: အမြတ်ထွက်မယ့်အုပ်စု၊ ရှုံးမယ့်အုပ်စု စသဖြင့် ခွဲခြားခြင်း။

3. Cohorts: တစ်နှစ်အတွင်း ထုတ်ပြန်တဲ့ စာချုပ်များကို တစ်အုပ်စုဖွဲ့ခြင်း (၁ နှစ်ထက် ပိုမကျော်ရပါ)။

(ဂ) Presentation: Balance Sheet မှာ အရင်လို "Premium Receivable" သို့မဟုတ် "Unearned Premium" လို့ သီးခြားမပြဘဲ "Insurance Contract Assets/Liabilities" ဆိုပြီး အသားတင် (Net amount) ပဲ ပြရပါတော့တယ်။

ဒါကတော့ IFRS - 17 GMM နည်းလမ်းအရ Long-term Insurance Contract တွေ အတွက် စာရင်းသွင်းပုံကို ရှင်းပြပေးခဲ့တာပါ။ လေ့လာနေသူတွေ အတွက် အထောက်အကူလေး တစ်ခု ဖြစ်ပါစေလို့လည်း ဆန္ဒပြုအပ်ပါတယ်။





&Associates

𝐃𝐢𝐬𝐭𝐫𝐢𝐛𝐮𝐭𝐢𝐨𝐧 𝐂𝐨𝐦𝐩𝐚𝐧𝐲 တစ်ခုမှာ 𝐈𝐅𝐑𝐒 𝟏𝟓 အရ စာရင်းရေးသွင်းနည်း

====================

Distribution Company တစ်ခုအတွက် IFRS 15 (Revenue from Contracts with Customers) အရ Revenue စာရင်းသွင်းပုံကို နားလည်လွယ်အောင် အဆင့် (၅) ဆင့် 5 Steps Model နဲ့ ရှင်းပြပေးပါမယ်။

IFRS 15 ရဲ့ 5 Steps Model အဓိက အနှစ်သာရက "ကုန်ပစ္စည်း သို့မဟုတ် ဝန်ဆောင်မှုကို ဝယ်သူထံ လွှဲပြောင်းပေးလိုက်ပြီ (Control transfer ဖြစ်ပြီ)" ဆိုတဲ့ အချိန်ကျမှ Revenue အဖြစ် စာရင်းသွင်းရမှာ ဖြစ်ပါတယ်။

5 Steps Model အရ Revenue စာရင်းသွင်းမယ်ဆို စဉ်းစားရမဲ့ အချက်များ

𝐒𝐭𝐞𝐩 𝟏: 𝐈𝐝𝐞𝐧𝐭𝐢𝐟𝐲 𝐭𝐡𝐞 𝐂𝐨𝐧𝐭𝐫𝐚𝐜𝐭 (စာချုပ်ကို သတ်မှတ်ခြင်း)

ဝယ်ယူသူနဲ့ ကုမ္ပဏီကြားမှာ ခိုင်မာတဲ့ သဘောတူညီချက် ရှိရပါမယ်။ နှုတ်ကတိဖြစ်စေ၊ စာရွက်စာတမ်းဖြစ်စေ၊ လုပ်ထုံးလုပ်နည်းအရဖြစ်စေ Contractual Rights and Obligations တွေကိုအတည်ပြုလို့ရရပါမယ်။

𝐒𝐭𝐞𝐩 𝟐: 𝐈𝐝𝐞𝐧𝐭𝐢𝐟𝐲 𝐏𝐞𝐫𝐟𝐨𝐫𝐦𝐚𝐧𝐜𝐞 𝐎𝐛𝐥𝐢𝐠𝐚𝐭𝐢𝐨𝐧𝐬 (တာဝန်များကို ခွဲခြားခြင်း)

စာချုပ်ထဲမှာ ကုမ္ပဏီက လုပ်ဆောင်ပေးရမယ့် သီးခြားတာဝန် (Performance Obligation) ဘယ်နှစ်ခုပါလဲဆိုတာ ခွဲခြားရပါမယ်။ဥပမာ: ကုန်ပစ္စည်း ပို့ပေးရုံတင်မကဘဲ "သယ်ယူပို့ဆောင်ခ (Delivery Service)" ပါ အခမဲ့ပေးမယ်ဆိုရင် တာဝန် (၂) ခု ဖြစ်သွားနိုင်ပါတယ်။ (ဒါပေမဲ့ များသောအားဖြင့် Distribution မှာတော့ ပစ္စည်းရောက်ရင် တာဝန်ကျေပြီလို့ ယူဆပါတယ်)။

𝐒𝐭𝐞𝐩 𝟑: 𝐃𝐞𝐭𝐞𝐫𝐦𝐢𝐧𝐞 𝐭𝐡𝐞 𝐓𝐫𝐚𝐧𝐬𝐚𝐜𝐭𝐢𝐨𝐧 𝐏𝐫𝐢𝐜𝐞 (ရောင်းဈေးကို သတ်မှတ်ခြင်း)

ပစ္စည်းရောင်းလို့ ရလာမယ့် ပမာဏကို တွက်ချက်ခြင်း ဖြစ်ပါတယ်။ ဒီနေရာမှာ အောက်က အချက်တွေကြောင့် ပြောင်းနိုင်တဲ့ Variable Consideration တွေကို ထည့်တွက်ရပါမယ်

- Trade Discounts (လျှော့ဈေးများ)
- Volume Rebates (အများကြီးဝယ်ရင် ပြန်ပေးမယ့် Bonus)
- Right of Return (ပစ္စည်းပြန်အပ်နိုင်ခွင့်)

𝐒𝐭𝐞𝐩 𝟒: 𝐀𝐥𝐥𝐨𝐜𝐚𝐭𝐞 𝐭𝐡𝐞 𝐓𝐫𝐚𝐧𝐬𝐚𝐜𝐭𝐢𝐨𝐧 𝐏𝐫𝐢𝐜𝐞 (ဈေးနှုန်းကို ခွဲဝေခြင်း)

အကယ်၍ Step 2 မှာ တာဝန် တစ်ခုထက်မက ရှိနေရင် စုစုပေါင်းဈေးနှုန်းကို တာဝန်တစ်ခုချင်းစီအလိုက် ခွဲဝေရပါမယ်။

𝐒𝐭𝐞𝐩 𝟓: 𝐑𝐞𝐜𝐨𝐠𝐧𝐢𝐳𝐞 𝐑𝐞𝐯𝐞𝐧𝐮𝐞 (ဝင်ငွေအဖြစ် စာရင်းရေးသွင်းခြင်း)

ဝယ်သူထံသို့ ကုန်ပစ္စည်းအပေါ် စီမံခန့်ခွဲပိုင်ခွင့် (Control) ရောက်ရှိသွားတဲ့ အချိန်ကျမှသာ Revenue စာရင်းသွင်းရပါမယ်။

ဥပမာ အခြေအနေ:

Distribution ကုမ္ပဏီတစ်ခုက လက်လီဆိုင်တစ်ဆိုင်ကို ကုန်ပစ္စည်း သိန်း ၁၀၀ ဖိုး ရောင်းချပါတယ်။သဘောတူညီချက်: ဝယ်သူက ၃ လအတွင်း သိန်း ၅၀၀ ဖိုးပြည့်အောင် ဝယ်ရင် ၅% Rebate (ပြန်အမ်းငွေ) ပေးမယ်လို့ ကတိပေးထားပါတယ်။အခြေအနေ: ကုမ္ပဏီက ခန့်မှန်းချက်အရ ဒီဝယ်သူဟာ သိန်း ၅၀၀ ပြည့်အောင် ဝယ်နိုင်ခြေ ရှိပါတယ်။စာရင်းသွင်းပုံ:ကုမ္ပဏီအနေနဲ့ သိန်း ၁၀၀ လုံးကို Revenue သွင်းလို့ မရသေးပါဘူး။ Rebate ပေးရမယ့် ၅% ကို ဖယ်ပြီးမှ သွင်းရပါမယ်။

1. Sales Revenue: $100 Lakhs x 95% = $95 Lakhs
2. Refund Liability (Rebate ပေးရန်): $5 Lakhs

𝐉𝐨𝐮𝐫𝐧𝐚𝐥 𝐄𝐧𝐭𝐫𝐲:

Dr. Accounts Receivable: 100 Lakhs
Cr. Revenue: 95 Lakhs
Cr. Refund Liability: 5 Lakhs

Distribution Company မှာ သတိထားရမယ့် အချက်များ

𝐁𝐢𝐥𝐥-𝐚𝐧𝐝-𝐇𝐨𝐥𝐝 𝐀𝐫𝐫𝐚𝐧𝐠𝐞𝐦𝐞𝐧𝐭𝐬: ပစ္စည်းက ကိုယ့်ဂိုဒေါင်ထဲမှာပဲ ရှိသေးတယ်၊ ဒါပေမဲ့ ဝယ်သူက သူ့ပစ္စည်းအဖြစ် သတ်မှတ်ခိုင်းရင် - IFRS 15 ရဲ့ သတ်မှတ်ချက် တင်းကြပ်စွာ ပြည့်စုံမှသာ Revenue သွင်းရပါမယ်။

𝐏𝐫𝐢𝐧𝐜𝐢𝐩𝐚𝐥 𝐯𝐬 𝐀𝐠𝐞𝐧𝐭: ကိုယ်က ပစ္စည်းပိုင်ရှင်အနေနဲ့ ရောင်းတာလား (Principal) ဒါမှမဟုတ် တဆင့်ခံ ရောင်းပေးပြီး ကော်မရှင်ပဲ ယူတာလား (Agent) ဆိုတာ ရှင်းလင်းရပါမယ်။ Agent ဆိုရင် ကော်မရှင်ခကိုပဲ Revenue စာရင်းသွင်းရပါ့မယ်။

𝐑𝐢𝐠𝐡𝐭 𝐨𝐟 𝐑𝐞𝐭𝐮𝐫𝐧: ဝယ်သူက ပစ္စည်းပြန်အပ်ပိုင်ခွင့် ရှိနေရင်၊ ပြန်လာနိုင်ခြေရှိတဲ့ Return ပမာဏကို ခန့်မှန်းပြီး Revenue ထဲက ဖယ်ထုတ်ထားရပါမယ်။

ဒီအချက်တွေက Distribution Company တစ်ခုအနေနဲ့ Revenue စာရင်းသွင်းတော့မယ် ဆိုရင် စဉ်းစားရမဲ့ အချက်တွေပဲ ဖြစ်ပါတယ်။

2026-2027 က စပြီး Company တွေရဲ့ Financial Reporting မှာ အပြောင်းအလဲတစ်ခုဖြစ်လာမယ့် IFRS 18

=====================

Company တွေရဲ့ Financial Reporting မှာ အကြီးမားဆုံး အပြောင်းအလဲတစ်ခုဖြစ်လာမယ့် IFRS 18 (Presentation and Disclosures in Financial Statements) အကြောင်းကို လေ့လာကြည့်ရအောင်။ ဒီ Standard အသစ်ဟာနှစ်များစွာ အသုံးပြုခဲ့တဲ့ IAS 1 ကို အစားထိုးတော့မှာ ဖြစ်ပါတယ်။

ဘာတွေက အဓိက ထူးခြား ပြောင်းလဲ သွားမှာလဲ? ရှင်းလင်းအောင် (၄) ပိုင်း ခွဲခြား ရှင်းပြပေးပါမယ်။

၁။ Income Statement (P&L) ၏ ပုံစံသစ် (Structure)

ယခင် IAS 1 မှာ ကုမ္ပဏီတွေဟာ ဝင်ငွေနဲ့ အသုံးစရိတ်တွေကို သူတို့အဆင်ပြေသလို ပြသခွင့်ရှိခဲ့ပါတယ်။ IFRS 18 မှာတော့ Standardized Categories - ၄ မျိုး ခွဲခြားသတ်မှတ်လိုက်ပါတယ်။ အဲ့ Categories တွေကတော့

Operating Category: ရင်းနှီးမြှုပ်နှံမှုနဲ့ ငွေကြေးရှာဖွေမှုထဲ မပါတဲ့ အခြားအရာအားလုံး ဒီထဲရောက်ပါမယ်။ (ဒါဟာ Default category ဖြစ်သွားပါမယ်)။

Investing Category: ရင်းနှီးမြှုပ်နှံမှုကရတဲ့ အကျိုးအမြတ်တွေ (ဥပမာ - အိမ်ခြံမြေ၊ ရှယ်ယာ)။

Financing Category: ငွေချေးတာ၊ အရင်းအနှီးရှာတာနဲ့ ပတ်သက်တဲ့ စရိတ်တွေ (ဥပမာ - အတိုးပေးရတာ)။

Income Tax & Discontinued Operations: ဒါတွေကတော့ သီးသန့် Category အနေနဲ့ ဆက်ရှိနေမှာပါ။

-----------------------------------

၂။ Subtotals အသစ် (၂) ခု (Required Subtotals)

IFRS 18 က အမြတ်အစွန်းကို တွက်ချက်တဲ့အခါ အဆင့် (၂) ဆင့် ၊ Profit (2) ခုကို ကို မဖြစ်မနေ ပြသဖို့ တောင်းဆိုထားပါတယ်။

Operating Profit: ဒါဟာ လုပ်ငန်းရဲ့ ပင်မလည်ပတ်မှုကရတဲ့ စွမ်းဆောင်ရည်ကို တိုင်းတာတာပါ။

Profit before Financing and Income Tax: ရင်းနှီးမြှုပ်နှံမှုကရတဲ့ အမြတ်အစွန်းတွေပါ ထည့်ပေါင်းထားတဲ့ အဆင့်ပါ။

အကျိုးကျေးဇူး: Investor တွေအနေနဲ့ ကုမ္ပဏီတစ်ခုရဲ့ ပင်မစီးပွားရေးက ဘယ်လောက်မြတ်လဲ၊ ရင်းနှီးမြှုပ်နှံမှုက ဘယ်လောက်မြတ်လဲဆိုတာကို ရှင်းရှင်းလင်းလင်း ခွဲမြင်ရတော့မှာပါ။

-----------------------------------

၃။ "Hidden Information" များကို ဖော်ထုတ်ခြင်း (MPMs)

ကုမ္ပဏီအများစုဟာ IFRS နဲ့ မကိုက်ညီတဲ့ Performance Measures တွေ (ဥပမာ - Underlying Profit, Adjusted EBITDA) ကို သုံးပြီး သူတို့လုပ်ငန်းကောင်းကြောင်း ပြလေ့ရှိပါတယ်။

ပြောင်းလဲမှု: အခုဆိုရင် အဲဒီလို Management က သတ်မှတ်တဲ့ ကိန်းဂဏန်း (MPMs) တွေကို စာရင်းရှင်းတမ်းရဲ့ Notes (နောက်ဆက်တွဲမှတ်စု) မှာ ထည့်ရပါမယ်။ အဲဒီကိန်းဂဏန်းတွေက IFRS Profit နဲ့ ဘယ်လိုကွာခြားသွားလဲဆိုတာကို Reconciliation လုပ်ပြရမှာဖြစ်သလို၊ နှစ်စဉ် တွက်ချက်ပုံစံ ပြောင်းလဲခြင်း မရှိအောင်လည်း ထိန်းကျောင်းရပါမယ်။

-----------------------------------

၄။ Cash Flow Statement ပေါ် သက်ရောက်မှု

IFRS 18 ကြောင့် IAS 7 (Cash Flow) မှာလည်း အပြောင်းအလဲရှိလာပါတယ်။

အဓိကကတော့ အတိုးပေးရတာ (Interest paid) နဲ့ အတိုး/အစုရှယ်ယာ အမြတ်ရတာ (Interest/Dividend received) တွေကို ပြသရာမှာ အမျိုးအစားခွဲခြားမှုတွေကို ပိုမိုတင်းကျပ်လာမှာဖြစ်လို့ ကုမ္ပဏီတွေကြား နှိုင်းယှဉ်ရတာ ပိုတူညီလာပါမယ်။

ဘာကြောင့် ပြောင်းလဲရတာလဲ? (The Why)

Investor တွေရဲ့ ပြောကြားချက်အရ IAS 1 မှာ ကုမ္ပဏီတစ်ခုနဲ့တစ်ခု Operating Profit တွက်ပုံမတူတာ၊ "Other Expenses" ထဲမှာ အသုံးစရိတ်တွေ အများကြီး စုပုံထားတာတွေကြောင့် ဝေဖန်မှုတွေ ရှိခဲ့ပါတယ်။ IFRS 18 ဟာ ဒီအားနည်းချက်တွေကို ပြုပြင်ပေးမှာပါ။

-----------------------------------

📅 Effective Date
IFRS - 18 ကို စတင်ကျင့်သုံးရမဲ့ ရက် : 1 January 2027

နှိုင်းယှဉ်ချက် အနေနဲ့ : ၂၀၂၇ စာရင်းကို တင်ပြတဲ့အခါ ၂၀၂၆ စာရင်းတွေကိုပါ IFRS 18 ပုံစံအတိုင်း ပြန်ပြင်ပြီး (Comparative year) ပြသရမှာ ဖြစ်ပါတယ်။

နိဂုံးချုပ်အနေနဲ့ IFRS 18 ဟာ စာရင်းကိုင်တွေအတွက် စိန်ခေါ်မှုအသစ် ဖြစ်သလို၊ Investor တွေအတွက်တော့ ပွင့်လင်းမြင်သာမှုရှိတဲ့ လက်ဆောင်တစ်ခုပါပဲ။

-----------------------------------

IFRS 18 နှင့် စပ်ဆက်ပြီး လုပ်ငန်းရှင်များနှင့် CFO များအတွက် ကြိုတင်ပြင်ဆင်ထားသင့်သည်များ

လုပ်ငန်းရှင်တွေနဲ့ CFO တွေအတွက် IFRS 18 က စာရင်းကိုင်ပြောင်းလဲမှုသက်သက်မဟုတ်ဘဲ လုပ်ငန်းရဲ့ Performance (စွမ်းဆောင်ရည်) ကို အပြင်လူတွေ မြင်ရမယ့်ပုံစံ ပြောင်းလဲသွားမှာဖြစ်လို့ ကြိုတင်ပြင်ဆင်ဖို့ အလွန်အရေးကြီးပါတယ်။

IFRS 18 ဟာ ၂၀၂၇ မှ စတင်မှာဖြစ်ပေမယ့် စာရင်းတွေကို ၂၀၂၆ ကတည်းက နှိုင်းယှဉ်ချက် (Comparative) ပြင်ရမှာဖြစ်လို့ လုပ်ငန်းရှင်တွေအနေနဲ့ အခုကတည်းက အောက်ပါအတိုင်း ပြင်ဆင်ထားသင့်ပါတယ်။

၁။ စာရင်းဇယားစနစ် (Chart of Accounts) ကို ပြန်လည်ဆန်းစစ်ပါ

အသုံးစရိတ်တွေကို Operating, Investing, Financing ဆိုပြီး Category ပြန်ခွဲရမှာဖြစ်လို့ လက်ရှိသုံးနေတဲ့ Accounting Software သို့မဟုတ် ERP System ထဲက Chart of Accounts တွေကို IFRS 18 ရဲ့ သတ်မှတ်ချက်အတိုင်း Grouping ပြန်လုပ်ထားဖို့ လိုအပ်ပါတယ်။

*****************

၂။ Operating Profit (လုပ်ငန်းလည်ပတ်မှုအမြတ်) ကို ပြန်လည်တွက်ချက်ကြည့်ပါ

စံနှုန်းသစ်အရ "Operating Profit" ရဲ့ အဓိပ္ပာယ်ဖွင့်ဆိုချက်က ပိုတိကျသွားပါတယ်။ သင့်လုပ်ငန်းရဲ့ အမြတ်က Standard အသစ် ၊ စံနှုန်းသစ်နဲ့ တွက်ရင် အရင်ကထက် နည်းသွားမလား၊ များသွားမလားဆိုတာကို အခုကတည်းက Simulation (စမ်းသပ်တွက်ချက်မှု) လုပ်ကြည့်သင့်ပါတယ်။ ဒါမှသာ Investor တွေနဲ့ ဘဏ်တွေကို ကြိုတင်ရှင်းပြနိုင်မှာ ဖြစ်ပါတယ်။

*****************

၃။ Management-defined Performance Measures (MPMs) ကို သတ်မှတ်ပါ

သင့်လုပ်ငန်းရဲ့ တကယ့်တိုးတက်မှုကိုပြဖို့ IFRS အပြင် တခြားဘယ်လို ကိန်းဂဏန်းတွေ (ဥပမာ- EBITDA) ကို သုံးပြီး လူထုကို ချပြမလဲဆိုတာကို ကြိုတင်စဉ်းစားပါ။ အဲဒီကိန်းဂဏန်းတွေကို စာရင်းစစ် (Auditor) က စစ်ဆေးတော့မှာဖြစ်လို့ ခိုင်မာတဲ့ တွက်ချက်ပုံ (Calculation Policy) ရှိနေရပါမယ်။

*****************

၄။ "Other Expenses" များကို လျှော့ချပါ IFRS 18 က အသုံးစရိတ်တွေကို "အထွေထွေ" ဆိုပြီး စုပုံပြတာကို လက်မခံတော့ပါဘူး။ ဒါကြောင့် Company စာရင်းထဲမှာ အသေးစိတ်ခွဲမပြဘဲ စုထားတဲ့စရိတ်တွေရှိရင် ပိုမိုပွင့်လင်းမြင်သာအောင် အုပ်စုပြန်ခွဲဖို့ စာရင်းဌာနကို ညွှန်ကြားထားပါ။

*****************

၅။ အစုရှယ်ယာရှင်များနှင့် ဘဏ်များကို အသိပေးပါ စာရင်းပြသပုံ ပြောင်းလဲသွားတဲ့အတွက် လုပ်ငန်းရဲ့ အမြတ်ပမာဏမှာ အပြောင်းအလဲ (ဥပမာ - အမြတ်လျော့သွားသလိုမျိုး) ထင်ယောင်ထင်မှား မဖြစ်စေဖို့ အစုရှယ်ယာရှင်တွေနဲ့ သင့်ကို ချေးငွေထုတ်ပေးထားတဲ့ ဘဏ်တွေကို ဒီစံနှုန်းသစ်ကြောင့် ပြောင်းလဲနိုင်ခြေရှိတာတွေကို ကြိုတင် Discuss လုပ်ထားပါ။

*****************

📌 လုပ်ငန်းရှင်များအတွက် အကြံပြုချက်:

"စာရင်းကိုင်စံနှုန်းဆိုတာ စာရင်းကိုင်တွေအလုပ်ပဲ" လို့ သတ်မှတ်လို့မရတော့ပါဘူး။ IFRS 18 ကြောင့် လုပ်ငန်းရဲ့ Profitability ကို အပြင်လူတွေ မြင်ပုံမြင်နည်း ပြောင်းသွားမှာဖြစ်လို့ ဒါဟာ Business Strategy တစ်ခုလို သဘောထားပြီး ပြင်ဆင်ထားသင့်ကြောင်း လေးစားစွာ တင်ပြအပ်ပါတယ်။




&Associates